GIELLAGAS-INSTITUUT HISTORJÁ

Sämikielâ máttááttâs aalgij Oulu ollâopâttuvâst ive 1970 suomâkielâ lájádâsâst. Ive 2004 rääjist Giellagas-instituut lii toimâm Oulu ollâopâttuv humanistlii tieđâkode sierânâs oovtâdâhhân, mii lii tieđâkode huksiittâs kuálmád keerdist.

Giellagas-instituut vuáđudem adai ive 2001 aalgâ rääjist instituutist lii lamaš Máttááttâsministeriö čujottâm väldikodálâš ovdâsvástádâs orniđ já ovdediđ sämikielâ já säämi kulttuur alemus máttááttâs já tutkâmuš Suomâst. Giellagas-instituut vuáđudem maŋa stuárráámus nubástus ovdii itoi lii lamaš tot, et puáris oppâamnâsist "Sämikielâ já -kulttuur" šoddii kiđđuv 2004 kyehti válduamnâs, sämikielâ já säämi kulttuur.

Oulu ollâopâttuv sämikielâ já säämi kulttuur uáppei amnâsservi GieKu rs

 

 

Uápuh

 

       

      Uáppuamnâsij keevâtliih ravvuuh já täärhib kurssâ- já salitiäđuh kávnojeh WebOodist.

       

      Puáđi luuhâđ!

      Oulu ollâopâttâhân puáhtá uuccâđ ubâ Suomân kyeskee ohtsâšucâmist čujottâsâst opintopolku.fi.

      Váldu-uuccâm äigi lii kiđđuv, Giellagas-instituut peessâmiskoseh láá vyesi- já kesimáánust.

      1. Sämikielâ válduamnâsvuoigâdvuođâ (paje- teikâ anarâškielâ) puáhtá finniđ ucâmáin uáppen kielâi já kirjálâšvuođâ tođhosohjelmân kiiđâ ohtsâšucâmist já uásálistmáin peessâmiskosân.

      Oulu ollâopâttuv uáppee puáhtá finniđ válduamnâsvuoigâdvuođâ meiddei čođâlditmáin anarâškielâ vuáđu- já amnâsuápuid ucemustáá árvusaanijn 3 já ucâmáin tieđâkoddeest válduamnâs molsomvuoigâdvuođâ.

      2. Säämi kulttuur válduamnâsvuoigâdvuođâ puáhtá finniđ ucâmáin ollâopâttâhân ohtsâšucâmist já uásálistmáin peessâmiskosân. Täärhib tiäđuh láá humanistlii tieđâkode uáppu-uáppásist.

       

      Lasetiäđuid ucâmist finnee Giellagas-instituutist:

      Tiäđuštâlmijd já rijjâ ucâmušâid anarâškielâ uálgiamnâsuáppoid puáhtá vuolgâttiđ ollâopâttâhmáttáátteijee Mervi Skopetsân:
      šleđgâpostâ: mervi.skopets (at) oulu.fi
      puh. +358 (0)50 574 9280

      Marjatta Jomppanen, HU327
      šleđgâpostâ: marjatta.jomppanen (at) oulu.fi
      puh. +358 (0)50 308 0682

      Tiäđuid finnee meid Oulu ollâopâttuvâst:

      Hakijapalvelut, Oulun yliopisto
      hakijapalvelut (at) oulu.fi
      puh. +358 (0)50 308 0682

       

      Uáppuamnâseh

      Giellagas-instituut uáppuamnâseh láá sämikielâ já säämi kulttuur.

      Sämikielâ kulá kielâi já kirjálâšvuođâ tođhosohjelmân (KIEKI).

      Säämi kulttuur lii uási historjá-, kulttuur- já viestâdemtiettui tođhosohjelmist (HIKUVIE).

      Ulmen lii, et sii kiäid kiäsut eromâšávt sämikielâ, peesih vuáijuđ nomâlâsân kielâaššijd, já nube tááhustges tagareh kiäid kiäsut iänááš kulttuur, pyehtih vuájudâttâđ säämi kulttuurân jo tállân uápui aalgâ rääjist. Kulttuuruáppoid kuleh mottoomverd meid sämikielâ uápuh, já säämi kulttuur lii tiäđust-uv luándulâš uálgiaamnâs kielâlohheid. Návt taah kyehti uáppuamnâs meid tuárjuv kyeimi kyeimis.

      Giellagas-instituutist puáhtá meiddei luuhâđ nuorttâlâškielâ (koltansaame) sierâ uáppuvuoigâdvuođáin amnâsuápui räi já pajekielâ viereskielân (pohjoissaame vieraana kielenä).

      Nuorttâlâškielâ vuáđu- já amnâsuápuh láá uáivildum uáppeid, kiäin lii eenikielâ nálásâš teikâ njyebžilis viereskielâ táiđu nuorttâlâškielâst. Tuárvi pyeri tááiđu kalga čäittiđ vuolgâtäsi-iskosáin.

       

      Sämikielâ

      Sämikielâ uáppuamnâsist láá kyehti linjá: pajekielâ/orjâlâškielâ (pohjoissaame) já anarâškielâ (inarinsaame).

      Pajekielâ linjá lii uáivildum eenikielâlâš sárnoid teikâ tagaráid, kiäin lii šiev pajekielâ máttu.

      Anarâškielâ linjá lii huksejum toin naalijn, et anarâškielâ suápá válduamnâsin sehe viereskielâláid algâttelleid ete tagaráid, kiäh haldâšeh kielâ pyerebeht, jo-uv eenikiel sárnoid teikâ anarâškielâ eenikielâ náál sárnoid.

      Sämikielâ lii humanistlâš tieđâsyergi, mon máttááttâsâst já tutkâmist váldojeh vuotân kielâ rááhtus já kiävttu, čaallum kielâ já sárnumkielâ, kielâtipšom já kielâ variaatio já ovdánem. Máttááttâs uárnejuvvoo pajekielân teikâ anarâškielân já suomâkielân ton mield, kuábbáá linjá uáppee väljee.

      Sämikielâ oppâamnâs ulmen lii škovliđ kielâmätteid Säämi ohtsâškode tárboid. Valmâštum uáppeeh pargeh eereeb iärrás máttáátteijen, totken, jurgâleijen, kielâtipšon, kielâteknologia äššitobden, sämikiel mediast já haldâttâhpargoin. Sämikielâ luuhâm, jiečânâs tutkâmpargoh já pargoelimân uápásmum lasetteh uáppei máhđulâšvuođâid peessâđ valmâštum maŋa uápuid västideijee paargon. Kandidaat- já maistertotkosij čođâldittem pištá ohtsis suulân vittâ ive. Kandidaattotkos čođâldittemäigi lii táválávt kulmâ ive, já maistertotkos čođâldittem váldá kyehti ive. Sämikielâ uápuid puáhtá juátkiđ ain tuáhtártotkos räi.

      Giellagas-instituut lii Suomâst áinoo saje, kost sämikielâ puáhtá luuhâđ eenikiellân ollâopâttâhtääsist. Giellagas-instituutist puoh sämikielâi uáppeeh láá suullân kulmâlov.

      Kielâ- já viestâdemuápui puotâ täärhist, lii-uv tust vuoigâdvuotâ pyerrinluhhum uáppoid (hyväksiluku; AHOT).

       

      Pajekielâ

      Pajekielâ linjá uálgiamnâsuáppein váttoo sämikielâ eenikielâmáttu teikâ mudoi uáli šiev sämikielâ máttu. Uáppeeh kiäh halijdeh luuhâđ sämikielâ uálgiamnâsin pajekielâ linjáást kalgeh uásálistiđ vuolgâtäsi-iskosân. Vuolgâtäsi-iskos sulâstit peessâmiskos, mii uárnejuvvoo jyehi ive.

       

      Anarâškielâ

      Válduamnâsvuoigâdvuođâ puáhtá finniđ ucâmáin uáppen kielâi já kirjálâšvuođâ tođhosohjelmân já valjiimáin válduamnâsin anarâškielâ. Tärhis tiäđuh valjiimist láá adelum humanistlâš tieđâkode valjimuáppásist (valintaopas) .

      Anarâškielâ lii uálgiaamnâs, mon puáhtá rijjâ valjiđ, já toos kullee kuursâin puáhtá hammiđ vuáđu-uápuid 25 uč. já amnâsuápuid 35 uč., teikâ vuáđu-uápuin puáhtá čođâldittiđ ovtâskâs kuursâid.

      Anarâškielâ suápá uálgiamnâsin ovdâmerkkân sämikulttuur, pajekielâ, suomâkielâ, viereskielâ, historjátiettuu já informaatiotutkâm uáppeid sehe luokkamáttáátteijen lohheid.

       

      Kejâstâh oppâamnâsân

      Anarâškielâ máttááttâs já tutkâm algii Oulu ollâopâttuvvâst ive 2000, kuás anarâškielâst šoodâi uálgiaamnâs. Ive 2011 anarâškielâst šoodâi jiečânâs maistertotkosân tuálvoo linjá sämikielâ válduamnâsân.

      Anarâškielâ máttááttâsâst já tutkâmist kuávdáš äššin láá kielâ rááhtus já kevttim, sarnum já čaallum kielâ, teoreetlâš já keevâtlâš kielâtipšom sehe kielâ muttuustâllâm já ovdánem. Anarâš uápui máttááttâs algâttuvvoo suomâkielân, já kielâ muttoo kuuloold anarâškielân vuáđu-uápui ääigi. Uáppoid kuleh meiddei jurgâlem- já kielâ revitalisaatiouápuh sehe pajekielâ já nuorttâlâškielâ uápuh. Uási uápuin puáhtá ovtâstittiđ pajekielâ já sämikulttuur máttááttâssân, nuuvt et máttááttâskiellân lii motomin meiddei suomâkielâ.

      Tastko eromâšávt pajekielâ kulloo ennuv já tastko pajekielâ já anarâškielâ ohtâvuođah láá čovgâdeh, ličij-uv avžuuttettee, et uáppee uásálistáččij aainâs-uv pajekielâ algâ- já jotkâkuursân. Uáppuohjelm ij toos kuittâg mahten kenigât.

      Anarâškielâ linjá lii huksejum toin naalijn, et anarâškielâ suápá válduamnâsin sehe viereskielâlâš algâttelleid et kielâ pyerebeht haldâšeijeid, jo-uv eenikielâlâš teikâ eenikielâ nálásávt sárnoid. Uáppuohjelm vuáđuduvá anarâškielâ tievâsmittemškovliittâsâst (2009–2010) finnejum feeriimáid – škovliittâsâst, mon ääigi anarâškielâ mättimettum sierâ suorgij äššitobdein škuávlejuvvojii kielâsirdeeh. Jo kyehti suhâpuolvâ lijjii monâttâm kielâs, nuuvt et kielâ tarbâšij – já ain taarbâš – tuáimeid sehe kielâsiärvusist já ton ulguubeln.

      Anarâškielâ uápuid puáhtá algâttiđ aaibâs aalgâst kurssáin Inarinsaamen peruskurssi I, teikâ uáppee puáhtá meiddei uuccâđ västideijeevuođâ ovdebáá máttusis teikâ uápuidis já puáttiđ fáárun jieijâs kielâtááiđu tááhust hiäivulii saajeest. Anarâškielâ uápuin iänááš uási uárnejuvvoo viermiluvâldâlmin já káidusmáttááttâssân.

      Sämikielâ oppâamnâs ulmen lii škovliđ maaŋgâtáiđusijd kielâ äššitobdeid sämisiärvus tárboid. Škovliittâsâst ovdâmerkkân jurgâlem lii tehelâš pargoost oppâmateriaal rähtimpargoin já kirjálâšvuođâ jurgâlmist. Anarâš kielâpirrâsist tiätu kielâ revitalisaatiost lii ohtâ kielâ kuávdášlijn keđgijuolgijn, mon tááhust uáppoid lii luándulâš väldiđ fáárun kuursâid revitalisaatiost. Ton lasseen kielâpirrâsist tarbâšuvvojeh äššitobdeeh máttááttâs- já tutkâmpargoid já meiddei sämikielâlii viestâdmân, kielâtipšomân já haldâttâhpargoid.

      Eenâb ko oovtâ sämikielâ luuhâm, jieijâs tutkâmuš já pargoelimân uápásmem lasetteh uáppee máhdulâšvuođâid peessâđ valmâštuumees maŋa ton pargosuárgán, kuus sun haalijd. Uáppee uápásmuvá pargoelimân jo uápuidis ääigi, já pargohárjuttâllâmpaje kulá kandidaattotkos uáppoid. Uáppee väljee uálgiamnâsijdis jieijâs perustume sehe ton mield, maggaar pargoid sun viggá uápuidis maŋa.

      Anarâškielâ já pajekielâ lasseen Giellagas-instituutist puáhtá luuhâđ pajekielâ viereskiellân, nuorttâlâškielâ já säämi kulttuur. Taah suápih uálgiamnâsin meiddei anarâškielâ uáppeid. Anarâškielâ uápuid puáhtá juátkiđ kiddâ tuáhtártotkos räi.

      Uáppuolesvuođah ja toi uáppu-ulmeh

      Anarâškielâ vuáđu-uápui čođâldittem maŋa uáppee haaldâš anarâškielâ vuáđukielâoopâ já pasta kevttiđ kielâ luándulávt piäiválâš kiellân njálmálávt já kirjálávt. Ton lasseen uáppee haaldâš anarâškielâ tutkâmân labdaseijee kuávdáš tuáváduvâid já tobdá kielâ saje ohtsâškoddeest já anarâš kulttuur váldulinjáid.

      Anarâškielâ amnâsuápui čođâldittem maŋa uáppee haaldâš anarâškielâ ráhtus kieŋâlávt. Sun tobdá meiddei kirjekielâ šoddâm já čaallum kielâ ovdánem tááláá hámásis. Siämmáánáál uáppee finnee kieŋâlub uáinu kielâ sierâ tutkâmsuorgijn. Uáppee haaldâš tieđâlii čäällim vuáđuaašijd já máttá čäälliđ käldeigijn já amnâstuv iššijn uánihâš tieđâlâš tuđhâlmijd, ovdâsaavâid já eres kirjálijd já njálmálijd čáittusijd.

      Anarâškielâ čiäŋudeijee uápui čođâldittem maŋa uáppee haaldâš kielâ ráhtus kieŋâlávt. Sun áppád porgâđ jiečânâs tieđâlii pargo já máttá kevttiđ tutkâmpargostis ävkkin käldeid já tutkâmamnâstuv. Ton lasseen sun pasta porgâđ jiečânâs pargo já toimâđ äššitobden kielâ sierâ suorgijn.

      Anarâškielâ vuáđu-uápuh (25 uč)

      683651Y        HOPS - persovnlâš uáppuvuávám I  0 uč
      683659P        Anarâškielâ vuáđukurssâ I  5 uč
      683660P        Anarâškielâ njálmálâš kevttim I  5 uč
      683661P        Anarâškielâ vuáđukurssâ II  5 uč
      683662P        Anarâškielâ sujâttem hárjuttâskurssâ  5 uč
      683663P        Anarâškielâ kirjálâš kevttim I  5 uč

      Anarâškielâ amnâsuápuh (45 uč)

      683652Y       HOPS - persovnlâš uáppuvuávám II  0 uč
      683664A       Anarâškielâ fonologia já morfologia I  5 uč
      683665A       Anarâškielâ ceelhâoppâ  5 uč
      683666A       Anarâškielâ njálmálâš kevttim II  5 uč
      683667A       Anarâškielâ kirjálâš kevttim II  5 uč
      683668A       Anarâškielâ sänirähtimoppâ  5 uč
      683669A       Anarâškielâlii pargoelimân uápásmum 5 uč
      683670A       Jieijâs tutkâmsyergi teoria já keevâtlâšvuotâ (anarâškielâ)  5 uč
      683619A       Kandidaatpargo (anarâškielâ)  10 uč
      683620A       Maturiteet (kypsyysnäyte, anarâškielâ)  0 uč
      683671A       Vaaljâuápuh anarâškielâ uálgiamnâsuáppeid 5 uč
      683672A       Anarâškielâ spesiaalsyergi sänirááju [valjimkurssâ]  5 uč

      Anarâškielâ čiäŋudeijee uápuh (80 uč)

      683653Y       HOPS - persovnlâš uáppuvuávám III  0 uč
      683673S       Anarâškielâ fonologia já morfologia II  5 uč
      683674S       Nubbe sämikielâ (pajekielâ/nuorttâlâškielâ)  5 uč
      683675S       Anarâškielâ revitalisaatio metodologia  5 uč
      683676S       Valjimnáál leijee čiäŋudeijee uápuh (anarâškielâ)  15 uč
      683677S       Graduseminaar (anarâškielâ)  10 uč
      683646S       Pro gradu -tuuđhâlm (anarâškielâ)  40 uč
      683650S       Maturiteet (anarâškielâ)  0 uč

       

      Säämi kulttuur

      Säämi kulttuur uápui ulmen lii uápásmiđ sämisiärvusân já -kulttuurân já toid kyeskee tutkâmân. Säämi kulttuur suogârdeh vijđáht maaŋgâi tavekulttuurij já algâalmugij uáinust. Säämi kulttuur čoonâs tiäđust-uv meid Tave-enâmij táváláid historjáláid, ohtsâškodáláid já juridikláid tiilijd.

      Máttááttâs ulmen lii adeliđ tiäđuid sämmilij ärbivyevi já siärvus jieškote-uvlágán peelijn já lasettiđ ibárdâs já kiäsuttume toid. Ulmen lii meiddei adeliđ maaŋgâlágán máátuid puáttee máttáátteijeid, äššitobdeid, virgeulmuid já totkeid.

      Máttáátteijen kuursâin láá sämmiliih, syemmiliih já olgoeennâmliih äššitobdeeh. Máttááttâskiellân lii táválávt suomâkielâ mut táárbu mield meiddei sämikielâ, eŋgâlâskielâ tâi ruotâkielâ.

      Uáppeeh kiäh loheh amnâsmáttáátteijen čođâlditeh págulâžžân uálgiamnâsin säämi kulttuur vuáđu-uápuid (25 uč).

       

      Uálgiamnâseh

       

      Nuorttâlâškielâ

      Nuorttâlâškielâ uápuh láá uáivildum uáppeid, kiäh sárnuh nuorttâlâškielâ eenikiellân teikâ kiäin lii eenikielâ nálásâš kielâmáttu. Vuoigâdvuođâ luuhâđ nuorttâlâškielâ vuáđu- já amnâsuápuid finnejeh Oulu ollâopâttuv uáppeeh já sij kiäin lii sierâ uáppuvuoigâdvuotâ. Ovdâl ko finnee luuhâmvuoigâdvuođâ kalga uásálistiđ peessâmiskosân já čođâldittiđ tom tohálávt.

      Nuorttâlâškielâ vuáđu-uápuh

      Nuorttâlâškielâ vuáđu-uápuh adeleh uáppei taid tiäđuid já tááiđuid, maid taarbâš nuorttâlâškielâ ráhtus (jienâdâh-, hämi- já ceelhâoopâ) kielâtieđâlii kuvviimist já analysistmist. Ton lasseen uápuh vijđedeh já jieŋâlmiteh uáppee aktiivlii kielâmáátu sänirááju, čäällim já jurgâlem tááhust.

       

      Pajekielâ vieres kiellân

      Pajekielâ vieres kiellân lii rijjâ uálgiaamnâs puoh Oulu ollâopâttuv uáppeid. Uáppuamnâsist lii máhđulâš čođâldittiđ vuáđu-uápuid (25 uč).

      Lasetiäđuh suomâkielân.

       

      Eres uápuh

      Uáppuravvim ja PUV (HOPS)

      Čohčâluuhâmpaje aalgâst uárnejuvvoo uđđâ uáppei já Giellagas-instituut pargei ohtsâš tieđettem- já uápásmemtilálâšvuotâ.

      Uápuidis ääigi uáppeeh rähtih ohtsis kulmâ persovnlii uáppuvuávám (HOPS, henkilökohtainen opintosuunnitelma):

      Vuossâmuš vuávám ráhtoo vuossâmuu luuhâmpaje ääigi. Ton rähtim várás jyehi uáppein suáppoo sierâ äigi, kuás lii máhđulâš savâstâllâđ tärhibeht uáppuaašijn jieijâs máttáátteijein. Sun rävvee uáppeid totkos čođâlditmân, uápui ovdánmân já uálgiamnâsvaljiimân kyeskee aašijn. Jieijâs máttáátteijee fättee kiddâ pargoloonjâst HU327 teikâ puhelinnumerist (029) 448 3486.

      Toos lasseen ráhtojeh vala kyehti HOPS-vuávám, moin nubbe kulá kandidaattotkosân já nubbe maistertotkosân.

      Persovnlii uáppuvuávám rähtimist ij finnii uáppučuággáid, mut tain puátá merkkim uáppuregisterân.

       

      Fuksilaiđiittâs

      Oulu ollâopâttâh uárnee puoh uđđâ uáppeid fuksilaiđiittâs, mii álgá uápui vuosmuu peeivi. Enâmus laiđiittâs lii vuosmuu čohčâluuhâmpaje ääigi.

      Fuksilaiđiitteijee jođettâsâst uđđâ uáppeeh uápásmeh suulân 10 ulmuu juávhuin jieijâs oppâmsyergi, tieđâkode já ubâ ollâopâttuv vuáválâšvuođáid mut eromâšávt eres uáppeid já Oulun. Fuksilaiđiitteijen láá siämmáá uáppusyergi aaleeb ihekuursâi lohheeh, kiäid ollâopâttâh lii škovliittâm paargon.

      Fuksilaiđiittâs olesvuođâst västideh ollâopâttuv škovlimpalvâlusah oovtâstpargoost tieđâkudijguin já ohtâduvâiguin. Uuccâm uárnejeh oppâamnâsijn kiđđâluuhâmpaje ääigi já tom koordinist oppâamnâs fuksilaiđiittâs ohtâvuotâolmooš.

      Fuksilaiđiittâs ohtâvuotâolmooš:

      Säämi kulttuur já sämikielâ:
      Marjatta Jomppanen, puh. 0294 48 3486
      marjatta.jomppanen (at) oulu.fi

       

      Amnâsmáttáátteijeeškovliittâs

      Sämikielâ amnâsmáttáátteijeeškovliittâs

      Sij kiäh halijdeh sämikielâ amnâsmáttáátteijen kalgeh čođâldittiđ sämikielâ uápui lasseen uálgiamnâsin kirjálâšvuođâ vuáđu-uápuid (25 uč), säämi kulttuur vuáđu-uápuid (25 uč), viestâdemuápuid (5 op) já amnâsmáttáátteijee pedagoglijd uápuid (60 uč). Uási máttáátteijee pedagoglijn uápuin kulá kandidaattotkosân já uási maistertotkosân. Pedagoglij uápui vuosmuu uási (30 uč) čođâlditeh kuálmád luuhâmive kiđđâluuhâmpaje ääigi já nube uási (30 uč) niäljád luuhâmive čohčâluuhâmpaajeest.

      Amnâsmáttáátteijeeuápui teoreetlii uási čođâlditeh Oulust, mut enâmus máttááttemhárjuttâllâm čođâlditeh Säämist. Sämikielâ amnâsmáttáátteijeeškovliittâs ovdâsvástádâsolmožin lii ollâopâttâhlehtor (HU 327, puh. 029 448 3486), kiäst puáhtá koijâdiđ lasetiäđuid.

      Lasetiäđuh škovliittâsâst pedagoglii tieđâkode Aineenopettajakoulutus-siijđoin.

       

      Hárjuttâllâm

      GIELLAGAS-INSTITUUT UÁPPEI HÁRJUTTÂLLÂM

      Hárjuttâllâm uáivild taggaar pargo, mii lahtoo uáppusuárgán já mast heiviitteh uápuin ožžum máátuid keevâtlâšvuotân já nube tááhust uáppih aašijd, maid puáhtá anneeđ uápuin ävkkin.

      Hárjuttâllâm puáhtá čođâldittiđ jo-uv Suomâst tâi olgoenâmist. Uáppee ocá jieš hárjuttâllâmsaje já visásmit ohtâvuotâulmuin, et tot saje heivee.

      Hárjuttâllâm siskáldâs já šlaajâ kalgeh västidiđ válduamnâs škovlimmittomeerijd. Ulmen lii, et uáppee finnii hárjánem taggaar pargopirrâsist, moos sun sáttá moonnâđ paargon meid valmâštum maŋa.

      Uáppučuággáid puáhtá pieijâđ jo-uv sämikielâ (anarâš-, nuorttâlâš- teikâ pajekielâ) uáppoid tâi säämi kulttuur amnâsuáppoid teikâ čiäŋudeijee uáppoid. Jis ovdâmerkkân válduaamnâs lii sämikielâ já uálgiaamnâs säämi kulttuur, puáhtá sämikielâ pargohárjuttâllâm pieijâđ sämikielâ amnâsuáppoid tâi čiäŋudeijee uáppoid já säämi kulttuur pargohárjuttâllâmges säämi kulttuur amnâsuáppoid.

      Pargohárjuttâllâm uáppukoodi puáhtá leđe amnâsuápui teikâ čiäŋudeijee uápui "valjimnáál leijee čiäŋudeijee uápuh".

      Pargoeellimuápuh (25 uč)

      Kielâi já kirjálâšvuođâ tođhosohjelm (KIEKI) já historjá-, kulttuur- já viestâdemtiettui tođhosohjelm (HIKUVIE) uáppeeh pyehtih čođâldittiđ meid 25 uáppučuággá vijđosii pargoeellimuápui olesvuođâ, mii heivee kandidaat- teikâ maistertotkos uálgiamnâsin. Pargoeellimuápuid uážžu väldiđ meid pargohárjuttâllâm lasseen. Soovâ ääšist hárjuttâllâm ovdâsvástádâsulmuin.

      Luuvâ eenâb humanistlii tieđâkode uáppu-uáppásist WebOodist.

      Koijâd lase:

      Hárjuttâllâm ohtâvuotâolmooš Giellagas-instituutist:
      Marjatta Jomppanen
      marjatta.jomppanen (at) oulu.fi,
      +358 (0)50 308 0682

      Lasetiäđuh hárjuttâlmist, hárjuttâllâmtorjust já uuccâmčuosâttuvâin kávnojeh ollâopâttuv Hárjuttâllâm-siijđoin (suomâkielân).

       

      Uáppeelonottem

      Giellagas-instituutist lii uáppeelonottemsopâmuš UiT Taažâ Arktisáin ollâopâttuvváin já Säämi ollâškovláin. Keevâtlávt sopâmuš meerhâš tom, et Giellagas-instituut uáppein lii älkkee peessâđ toid lonottemuáppen. Giellagas-instituutist lii ovdiibeln mainâšum soojij lasseen kuávttáákoskâsâš lonottemsopâmuš Kansas ollâopâttuvváin. Tobbeen puáhtá luuhâđ uápuid moh lahtojeh algâalmugáid.

      Láá meid maŋgâ eres lonottemohjelm já eennâm miätá maailm, moid puáhtá uuccâđ uáppeeloonootmân. Olgoenâmijn čođâldittum uápuh ferttiiččii leđe tagareh, et tain lii uáppei ävkki, já tot kote áigu vyelgiđ loonootmân, kalga muuneeld selvâttiđ, magarijd uápuid sun puáhtá olgoenâmist luuhâđ. Jis olgoenâmijn čuággojeh tuárvi ennuv uápuh, te tain puáhtá čokkiđ sierânâs uálgiamnâsolesvuođâ.

      Huám! Uuccâmääigih já išeruuđâi stuáruduvah mulsâšuveh. Giellagas-instituut lii máhđulâšvuođâi mield tuárjum sii kiäh vyelgih uáppeeloonootmân (suulân 1500 euro ihán).

      Oulu ollâopâttuv uáppeelonottem-sijđoh.

      Lasetiäđuh

      Giellagas-instituut:
      Marjatta Jomppanen (viste HU327)
      marjatta.jomppanen (at) oulu.fi
      Puh. +358 50 308 0682

      Humanistlâš tieđâkodde:
      Miia Juusola (viste HU394)
      miia.juusola(at)oulu.fi
      Puh. +358 29 448 3232

      Oulu ollâopâttâh:
      international.office(at)oulu.fi
      Puh. +358 29 448 4045

       

      Jotkâuápuh

      Ollâopâttuv totkeeškovlâ UniOGS (University of Oulu Graduate School) lii tárguttum puoh uáppei várás, kiäh láá čođâlditmin tuáhtáruápuid Oulu ollâopâttuvâst.