Sámegiela, sámi girjjálašvuođa ja kultuvrra symposia
Event information
Time
Tue 11.11.2025 - Fri 14.11.2025
Venue location
Oulu universitehta
Location
Boađe guldalit earret eará universitehtalektor Krister Stoor (Ubmi universitehta) logaldallama Johkamohke ovddeš juoigiin ja muitaleaddjiin ja go emeritusprofessor Nils Øivind Helander muitala mo organiserejuvvon giellabargu lea váikkuhan gielladillái. Eará bovdejuvvon logaldallit leat Ante Aikio (Oulu universitehta) ja Lill-Tove Fredriksen (UiT Norgga árktalaš universitehta).
– Sámi kultuvrra dutkan ja oahpahus lea nubbi váldofága Giellagas-instituhtas, ja danin mii leat háliidan váldit dan maiddái fárrui dán symposiai, muitala Giellagas-instituhta jođiheaddji Sigga-Marja Magga.
– Sámi Giellagáldui lea dehálaš čalmmustahttit buot Davviriikkain hállojuvvon sámegielaid giellagáhttemii ja normeremii guoski áigeguovdilis áššiid ja hástalusaid. Symposia lágideapmi leage oassin ON álgoálbmotgielaid logijagi (IDIL2022–2032) Norgga nationála doaibmaplána čuovvoleamis, muitala Sámi Giellagáldu direktevra Mika Saijets.
Fágalaš sisdoalu lassin symposia oktavuođas lea maiddái sámi kultuvra nannosit ovdan:
- 11.11. Lágiduvvo Sámi tapas-eahket ovttasbarggus Slow Food Sápmiin
- 12.11. Internašunála Sámi Filbmainstituhtta čájeha Sámi filmmaid ja maŋŋit Sámi rap-eahkedis loaiddastit Yungmiqu, Jezebro ja Amoc
- 13.11. Konferánsamállásiid maŋŋá Ulla Pirttijärvi & Ulda ja Dj Article 3 čuojahit 45 Specialis
Sámesymposiat leat lágiduvvon jagi 1993 rájes ja daid ulbmilin lea leamaš álggu rájes čohkket sámegiela ja sámi girjjálašvuođa dutkiid ja doavttergráda- ja masterstudeanttaid iešguđege guovlluin ja gielain. Symposia lágidit ovttasbarggus Sámi Giellagáldu, Oulu universitehta Giellagas-instituhtta, Oulu 2026 kulturoaivegávpotfitnu ja Gieku rs.
Dieđihanáigemearri symposiai lea 27.10.2025. Eanet dieđut ja symposia prográmma almmuhuvvo Sámi Giellagáldu neahttasiidduin: https://tinyurl.com/sgk2025
Dieđiheapmi symposiai: https://ssl.eventilla.com/samiggk2025
Lassidieđut
Sigga-Marja Magga, Giellagas-instituhta jođiheaddji, +358 50 568 5326
Vaino Rensberg, Sámi Giellagáldu gulahallanráđđeaddi, +47 922 78 185
Mika Saijets, Sámi Giellagáldu direktevra, +47 78 47 41 48