Giellagas-instituhttii ohcet davvisámegiela universitehtaoahpaheaddji

Giellagas-instituhtas lea riikkaviidosaš ovddasvástádus sámegielaid ja sámi kultuvrra alimus oahpahusas ja dutkamušas Suomas. Instituhta sámegielaid oahppoávnnas skuvle giellaáššedovdiid sámi servodaga dárbbuide. Oahput addet vejolašvuođaid riikkaidgaskasaš karrierii sámeguovllus, mii rasttilda Davviriikkaid rájáid.

Oahpuin leat golbma linjjá: davvisámegiela, anárašgiela ja nuortalašgiela linjját. Davvisámegiela linjá lea oaivvilduvvon eatnigielagiidda ja earáide, geain lea buorre davvisámegiela máhttu. Dasa lassin instituhtas sáhttá váldit 25 oahppočuoggá viidosaš vuođđooahpuid davvisámegielas vierrogiellan.

Barggut

Universitehtaoahpaheaddjin:

• Oahpahat vuođđo-, ávnnas- ja čiekŋudeaddji oahpuid
• Bagadalat ja dárkkistat oahppočájánasaid
• Fuolahat studeanttaid oahppoáššiin
• Dutkkat davvisámegiela
• Barggat hálddahuslaš bargguid

Maid mii fállat?

• Doarjaga Giellagas-instituhta movttiidahtti bargoservošis, gos beasat ovdánit ja juohkit iežat áššedovdamuša
• Valáštallan-, kultuvra- ja buresveadjinovdduid (ePassi). Loga lasi min eará ovdduin bargiide.
• Stuorra organisašuvnna ovdánan- ja karrieravejolašvuođaid.
• Mearkkašahtti barggu ja bargokultuvrra, mas dus lea friddjavuohta heivehit oktii barggu ja eará eallima. Lasi dieđut Oulu universitehtas bargama birra.

Maid mii ohcat?

Vai lihkostuvat ja loavttát barggus, mii eaktudat dus:

• Bajit universitehtadutkosa sámegielaid suorggis
• C2-dási čálalaš ja njálmmálaš máhtu davvisámegielas
• Buori oahpahanmáhtu
• Gearggusvuođa dieđalaš bargui
• Njuovžilis suomagielmáhtu sihke čálalaččat ja njálmmálaččat

Dasa lassin mii geahččat ovdun:

• Pedagogalaš skuvlejumi
• Bargosuorggi viiddes máhttu
• Eará oahpahandoaimmas ožžojuvvon ánssuid

Universitehtaoahpaheaddji galgá čađahit guovtte jagi siste barggu álgimis unnimustá 25 oahppočuoggá universitehtapedagogalaš dahje daidda buohtalasti oahpuid dalle, juos doibmii válljejuvon olbmos dat eai leat vel čađahuvvon.

Bálká

Bargu lea doaisttážii fámus 1.1.2027 rájes (dahje dan rájes go lea sohppojuvvon). Universitehta bálkávuogádagas bargu sajáiduvvá oahpahus- ja dutkanbargiid gáibádusdássái 5. Dasa lassin máksojuvvo bálkáoassi, mii vuođđuduvvá persovnnalaš lihkostuvvamii, ja dat lea eanemustá 50 %. Vástideaddji bargguin bálká lea dábálaččat 3800-4100 mánotbajis. Bargui gusto guđa mánu iskkadanáigi.

Mo ohcat?

Jos beroštuvvet, de oza áinnas bargui rekrutterenvuogádaga bokte maŋimuštá 18.10.2026. Oza dáppe: https://oulunyliopisto.varbi.com/fi/what:job/jobID:968632/. Bija ohcamuššii mielddusin:

1. Ohcamuš
2. CV
3. Narratiiva CV; geavat veahkkin málle (lassidieđut: Tutkimuksen ja tutkijan arvioinnin periaatteet Oulun yliopistossa)
4. Almmustuvvan čállosiid logahallan Suoma Akatemia mielde
5. Oahpahanportfoliija Oulu universiteahta málle mielde:

Ohccit, geat árvvoštallojuvvojit heivet bargui buoremusat, jearahallojuvvojit njunnálagaid dahje gáiddusoktavuođa bokte. Oahpahanmáhttu árvvostallojuvvo oahpahanportfoliija ja oahpahančájánasa vuođul. Oahpahanmáhtus galgá oažžut unnimustá ”buorre” (3/5).

Mii váldit oktavuođa buot ohcciiguin ohcanproseassa áigge.

Lassidieđut

Lassidieđuid addá jođiheaddji Sigga-Marja Magga, humanisttalaš dieđagoddi, Giellagas-instituhtta, sigga-marja.magga@oulu.fi, +358 50 568 5326.