Giellagas-instituhta doavttirskuvla

Sámi dutkan gullá nu gohčoduvvon smávva dutkansurggiide, mii dagaha dan, ahte lea dehálaš ovttastahttit davviriikkalaš resurssaid. Giellagas-instituhta doavttirskuvla vuođđuduvvui jagi 2004 álggus sámegiela ja sámiid kultuvrra joatkkastudeanttaid oktasaš skuvlenforuman, ja dán áigge Giellagasa doavttirskuvllas lea earenoamáš lagas ovttasbargu Sámi allaskuvllain. Doavttirskuvllas leat mielde vihttanuppelohkái joatkkastudeantta ja sin bagadallit.

Doavttirskuvlla studeanttat ja bagadallit deaivvadit guktii jagis, giđđat ja čakčat. Deaivvadeapmi sisttisdoallá sihke skuvlejumi ja joatkkaskuvlenseminára. Semináras studeanttat ožžot bagadallama dutkanbargguidasaset, sihke iežaset bagadalliin ja maid eará bagadalliin. Sii maiddái oahpásmuvvet eará studeanttaid dutkamušaide ja bargovugiide. Skuvlen sisttisdoallá iešguđetlágan kurssaid, mat sáhttet leat teoriijakurssat dahje kurssat, mat lasihit dutki ámmátlaš máhtuid.

Eambbo dieđuid doavttirskuvlla birra addá Marjatta Jomppanen (marjatta.jomppanen(at)oulu.fi).