Giellagas-institutt
Tän seeidast kaaunak teâđ Giellagas-instituutt tuʹtǩǩummšest da mij mättaunnsin: sääʹmǩiõlin da sääʹmkulttuurâst. Seeidast käunnʼje ääiʹjpoddsa ođđâz da šõddmõõžž še.
Mättʼtõõttâm
Teâđ da ođđâz mättʼtõõđjid lie norrum Oulu universiteeʹtt Mättʼtõõttja-sijddu (lääddas).
Giellagas-instituutt nuʹbb vueiʹvvtuâjj mättʼtem lââʹssen lij sääʹmǩiõli da sääʹmkulttuur tuʹtǩǩummuš, nuuʹbbi saaʹnivuiʹm puk teâđ lââʹzztummuš, kååʹtt kuâskk saaʹmi ǩiõlid, historia, õhttsažkååʹdd da jeeʹres kulttuureettmõõžžid. Tuʹtǩǩummuš lij puk tuâjjlai – professoori, lehtoori da pukin jeäʹnmõsân teâđast tuʹtǩǩeeʹji – tuâjj, leša tõt kooll mättʼtõõđjid še, ko sij ǩeeʹrjte lopptuâjeez da võl mâŋŋa tõʹst možât juäʹtǩǩe juätkkmättʼtõõttjen.
Juätkkmättʼtõõđi
Čõõđtõõzz
Giellagas-instituutt tuʹtǩǩeeʹji čõõđtõõzz käunnʼje OuluCris-teâttvuâđast:
Tuâjjlai e-pååʹšt: ouddnõmm.sokknõmm@oulu.fi
Juõʹǩǩ tuâjjla teʹlfon-nââmar käunnai liiŋk tueʹǩǩen tuʹtǩǩeeiseeidast.
Giellagas-insituuttâst tåimm Sääʹm kulttuurarkiiv še. Toʹben seeiltet ǩiõll- da tuʹtǩǩummušmateriaalid, kook õhttne sääʹmǩiõlid da sääʹmkulttuuʹre. Looǥǥ lââʹzz arkiiv jiijjâs seeidast:
Giellagas-institutt
PL 1000
90014 OULUN YLIOPISTO
Jeällõõččâmaddrõs: Erkki Koiso-Kanttilan katu 1
(Oulu universiteʹtt, Linnanmaa > Humaniistlaž tiõđkåʹdd > 3. riâdd)
(Tâʹvv)sääʹmǩiõl mättʼtõs aaʹlji Oulu universiteeʹttest eeʹjj 1970 lääʹddǩiõl beäʹlnn. Eeʹjj 2004 rääʹjest Giellagas-institutt lij tåimmam Oulu universiteeʹtt humaniistla tiõđkååʹdd jiõččnõʹžžen õhttõkkân. Tõn tåimmsââʹj lie universiteeʹttest kuälmad riâddâst.
Giellagas-instituutt vuâđđeeš eeʹjj 2001 aalǥâst. Tõn rääʹjest instituuttâst lij leämmaž mättʼtõsministeria čuäʹjtem väʹlddkååddlaž vasttõs riâššâd da oouʹdeed sääʹmǩiõl da sääʹmkulttuur pââimõs mättʼtõõzz da tuʹtǩǩummuž Lääʹddjânnmest. Mâŋŋa ko Giellagas-instituutt vuâđđeeš, šuurmõs muuttâs lij leämmaž tõt, ko ǩeâđđa 2004 puäʹres mättaunnsest “sääʹmǩiõl da -kulttuur” šõʹdde kueʹhtt vueiʹvvaunnâz, sääʹmǩiõll da sääʹmkulttuur. Ânnʼjõžääiʹj sääʹmǩiõl vueiʹvvaunnâz juâkkai koolm liʹnjje: tâʹvvsääʹmǩiõll, aanrõšǩiõll da sääʹmǩiõll.
Oulu universiteeʹtt sääʹmǩiõl da sääʹmkulttuur mättʼtõõđji aaunâsorganisaatio lij GieKu ry.