Dutkan Giellagas-instituhtas

Giellagas-instituhta nubbi váldodoaibma lea sámegiela ja sámiid kultuvrra dutkan, nuppiid sániiguin sámi gielaide, historjái, servodahkii ja eará kultuvrralaš albmanemiide guoski dieđalaš dieđuid lasiheapmi. Dutkan lea oassi buot bargiid – professoriid, lektoriid ja earenoamážit dutkiid – barggus, muhto dat gullá maiddái studeanttaide, go sii čállet loahppabargguideaset ja velá daid maŋŋilge, go soitet joatkit oahpuid joatkkastudeantan.

Giellagas-instituhtas leat oktavuođat ja ollu oktasašbargu máŋggaiguin sámiide guoski dutkanásahusaiguin. Lagas bargoguoimmit leat earret eará Sámi allaskuvla Guovdageainnus, Lappi universitehta (ee. Árktalaš guovddáš) Roavvenjárggas, Thule-instituhtta Oulus, Siida – Sámemusea ja Davvi-Sámi luondduguovddáš Anáris, Romssa universitehta, ja maid Ruovttueatnan gielaid dutkanguovddáš ja Suoma-Ugralaš Searvi Helssegis. Ođđaseamus lea ELDIA, máŋggadieđalaš dutkanprošeakta, dutkančuozahahkan unnitlogu gielat, gaskkustangielat ja gielaid seailluheapmi.

Giellagas-instituhta dutkamušaide laktása maiddái instituhta almmustahttinráidu.