OKTR — oahpahusa ovddidanbargojoavku

Oahpahusa ovddidanbargojoavku sihkkarastá oahpahusa kvalitehta. Dat kordinere buot daid doaimmaid, mat laktásit oahpahusa plánemii, ollašuhttimii ja ovddideapmái.  

Bargojoavkkus leat lahttun oahpaheadddjit ja studeanttat goappáge oaiveávdnasis. Dárbbu mielde čoahkkimiidda bovdejuvvojit maid áššedovdit. Bargojoavku čoahkkana máŋgii lohkanjagis gieđahallat áigeguovdilis áššiid, ee. oahppiid máhcahaga ja máhcahanbeaivvi plánema. Bargojoavku čuovvu maid oahppoofelačča sisdoaluid  ja dan mo oahpahus lea instituhtas ordnejuvvon ja mo dat doaibmá. Bargojoavku ovddida áššiid, mat laktásit ee. dutkkusgáibádusaide, oahpahusprográmmaide, oahpahusperiodaid sisdoaluide ja tentevuogádagaide. Dárbbu mielde bargojoavku dahká buoridanevttohusaid. OKTR čuovvu maid studeanttaid oahppama, oahppama bohtosiid ja dan man ollu studeanttaide čoggojit oahppočuoggát.  Jos oahppamis orrot leamen váttisvuođat, de OKTR bargun lea gieđahallat daid ja geahččalit gávdnat čovdosiid  váttisvuođaide. Maiddái máhcahanvuogádaga ovddideapmi ja instituhta iešárvvoštallanraporttaid čállin gullet bargojoavkku bargun.

OKTR studeantalahttut sáhttet buktit čoahkkimiin ovdan dakkár áššiid mat laktásit oahpahussii ja dahkat buoridanevttohusaid.  Àššiin ságastallojuvvo rahpasit ja buot máhcahat gieđahallojuvvo. OKTR čoahkkana dávjá ja ná oahppiid máhcahat váldo vuhtii hui johtilit. Giellagas-instituhta oahppit ja oahpaheaddjit sáhttet váldit goas fal oktavuođa bargojoavkku lahtuide ja buktit ovdan evttohusaid maiguin ovddidit ja buoridit oahpahusa.

Bargojoavkku lahtut válljejuvvojit ain jahkkái hávil ja válljen dáhpáhuvvá dábálaččat giđđalohkanbaji loahpas. Buohkat geat leat beroštuvvan bargojoavkku doaimmain sáhttet ohcat lahttun. Loahpalaš válljema dahká sámegiela ja sámiid kultuvrra studeanttaid searvi Gieku.

Lohkanbaji 2009–2010 OKTR lahttut:
Studeanttat Sini Seine ja Tuija-Mari Guttorm (1.1.2010 rájes Leena Mattanen), oahpaheaddjit Anna-Liisa Väyrynen (ságadoalli) ja Minna Rasmus, amanuensa Marjatta Jomppanen.

OKTR beavdegirjjit (suomagillii):

26.5.2011
4.5.2011
23.3.2011
19.1.2011
3.11.2010
7.6.2010
15.4.2010
2.3.2010
7.12.2009
13.10.2009
5.5.2009
10.3.2009
23.2.2009
17.2.2009
3.2.2009
3.12.2008
18.11.2008

Doaibmanraporttat (suomagillii):

Raporta Giellagas-instituhta oahpahusas 2005-2008 (PDF)
Instituhta iešárvvoštallanraporta 2006-2007 (PDF)
Instituhta guovddáš logut PDF

Oahppiid máhcahat

Máhcahanskovvi

Oahppi sáhttá addit máhcahaga logaldagain, seminárain, hárjehusain, tenttiin, oahppočájánasbargguid bagadallamis dahje oahpahusas almmolaččat. Máhcahaga sáhttá addit mas beare, mii laktása instituhta oahpahussii dahje doaimmaide.

Máhcahaga addin lea dehálaš, dasgo dan bokte bohtet oidnosii oahppiid jurdagat ja oaivilat ássiin, mat laktásit studeremii. Okto skurdnjámiin ii sáhte váikkuhit áššiid ovdáneapmái, muhto baicce roahkka addiimiin máhcahaga oažžu iežas oaiviliid earáid dihtui. Áššiin sáhttá áinnas muitalit njuolga kurssa oahpaheaddjái dahje oahpahusa oavddidanbargojoavkku lahttui. Galgá muitit, ahte buot lágan máhcahat lea bures boahtin. Máhcahaga lassin sáhttá buktit ovdan sávaldagaid omd. logaldagaid fáttáin.
Máhcahaga sáhttá addit, go deavdá máhcahatskovi logaldatráiddu dahje semináraid loahpas. Máhcahaga sáhttá addit nama haga ja dat addojuvvo dan oahpaheaddjái gii lea doallan kurssa.

Máhcahanbeaivi

Giellagas-instituhtas ordnejuvvo okta máhcahanbeaivi čakčalohkanbaji  ja okta giđđalohkanbaji loahpas. Máhcahanbeaivvi várás ordnejuvvo jearahallan, mas Giellagas-instituhta studeanttat sáhttet árvvoštallat ee. instituhta doaimma, oahpahusa, iežaset oahppama. Jearahallama ollašuhttimis ja dokumenteremis vástida sámegiela ja sámiid kultuvrra ávnnassearvi Gieku. Jearahallamis ovdan boahtti áššit gieđahallojuvvojit máhcahanbeaivvis.

Giđa 2009 máhcahanbeaivi ordnejuvvui 14.5.2009 12–14 sáles HU 208. Máhcahanbeaivvi oktan temán lei oahppiid oahppan.

Máhcahanbeaivvi beavdegirjjit:

10.5.2011 ja
oahppiid kommeanttat
9.2.2011
19.5.2010
26.1.2010
14.5.2009
10.12.2008
2.5.2007
30.11.2006

Máhcahaga čoaggin ja gieđahallan Giellagas-instituhtas

• Juohke kurssas čoggojuvvo máhcahat.
• Máhcahat čoggojuvvo oktasaččat sohpojuvvon báberskoviin (almmá studeanttaid namaid haga).
• Máhcahaga čoaggá kurssa oahpaheaddji.
• Oahpaheaddji čállá máhcahaga vuođul čoahkkáigeasuid (juohke kurssas iežas čoahkkáigeassu, čakča- ja giđđalohkabajis sierra) OKTR rávvagiid mielde.  
• Čoahkkáigeasuide oahpaheaddji merke maid kurssaid árvosániid.
• Oahpaheaddji refklektere bargovugiidis ja oahpahusa máhcahaga vuođul ja čállá čoahkkáigeasuide iežas oainnuid kurssa lihkostuvvamis.
• Čoahkkáigeasut oktan tente- ja kursaárvosániiguin ja oahpaheaddji kommeanttaiguin doaimmahuvvojit OKTR lahtuide sohppojuvvon áigge.
• Čoahkkáigeasuid lassin OKTRái doaimmahuvvojit maid (dárbbu mielde) dat máhcahanskovit maid studeanttat leat kurssa loahpas deavdán.
• OKTR geahčada kursamáhcahagaid ja ja máhcabeaivve ovdan boahtán máhcahaga ja čállá daid vuođul raportta ja evttohusaid das mo oahpahusa sáhtášii buoridit.  
• Raporta oktan evttohusaiguin sáddejuvvo studeanttaid ávnnassearvái Giekui ja Giellagas-instituhta bargiide.
• Giellagas-instituhtta ja ávnnassearvi Gieku gieđahallet raportta čoahkkimiin ja  váldet máhcahaga vuhtii.

Máhcahaga vuhtii váldin

Giellagas-instituhtta ja ávnnassearvi Gieku gieđahallet raporttaid, mat leat dahkkon oahppiid máhcahaga vuođul. Giellagas-insittuhtta váldá máhcahaga vuhtii oahpahusas ja instituhta doaimmain.

Giđđat 2009 válmmaštuvai raporta lohkajagiid 2005-2008 máhcahagas. Raportta bohtosiid leat váldán vuhtii ee. oahppaplánabarggus (samegiela ja sámegiella vieris giellan oahppaplánat 2009–2011) ja máhcahat lea gieđahallon maid Giellagas-insittuhta čoahkkimis.

Bargoeallimii oahpásmuvvan

Giellagas-instituhtta lea ordnen Bargoeallin oahpisin -semináraid jagiin 2006 ja 2007. Seminára ulbmilin lea leamaš ovddidit oahppuid plánema ja dahkat oahpiide dovddusin dakkár bargoeallima organisašuvnaid ja lágádusaid mat barget sámeservodaga ja sámiid kultuvrra áššiiguin. Ulbmilin leamaš addit sámegiela ja sámiid kultuvrra studeanttaide buori govva sin vejolaš bargoaddiin.  

Giellagas-instituhtta ordnii Bargoeallin oahpisin -seminára vuosttas háve skábmamánus 2006.  Dalle seminárii bovdejuvvojedje ovddasteaddjit Suoma ja Norgga Sámedikkiin,  YLE Sámi Radios, Kulturguovddáš-prošeavttas ja Sámi Allaskuvllas. Sihke studeanttat ja seminárii bovdejuvvon guossit rámidedje seminára. Giellagas-instituhtas seminára ordnen gullá OKTR bargguide. Seminára geavatlaš ornestallmiin leat vástidan OKTR studeantatlahtut.  

Bargoeallin oahpisin -seminára raporttat:
2006