Sámiid kultuvra

Sámiid kultuvrra oahpuid ulbmilin lea sámeservodaga ja -kultuvrra ja daidda guoski dutkama dovdamuš. Sámiid kultuvra guorahallojuvvo viidát máŋggaid davvikultuvrraid ja eamiálbmogiid geahččanguovllus. Sámiid kultuvra čatnasa dieđusge maiddái Davviriikkaid dábálaš historjjálaš, servodatlaš ja vuoigatvuođalaš diliide.

Oahpahusa ulbmilin lea addit dieđuid sámiid árbevieru ja servodaga iešguđetlágan beliin ja lasihit áddejumi ja beroštumi daidda. Ulbmilin lea maiddái addit buriid válmmašvuođaid boahtte oahpaheaddjiide, dieđiheaddjiide, virgeolbmuide ja dutkiide.

Oahpaheaddjin kurssain leat sápmelaš, suopmelaš ja olgoriikkalaš áššedovdit. Oahpahusgiellan lea dábálaččat suomagiella, muhto dárbbu mielde maiddái sámegiella, eaŋgalsgiella dahje ruoŧagiella. Earret váldoávnnasoahpuid, sámiid kultuvra heive oalgeávnnasin ovdamearkka dihte sámegiela, antropologiija dahje historjjá lohkkiide.

Sámiid kultuvrra

oahppoofelaš 2011-2013
http://www.oulu.fi/hutk/opiskelu/opas/Opas_11_13/Opas_2011-1013.html

oahppoofelaš 2009-2011 (PDF, suomagillii)

Sisabeassangáibádusat

Rabas universitehta