Studeantalonohallan

Giellagas-instituhtta lea dahkan studeantalonohallansoahpamuša Tromssa universitehtain ja Sámi Allaskuvllain. Geavatlaččat soahpamuš dárkkuha dan, ahte Giellagas-intiuhta studeanttain lea álki beassat studeantalonohallamii Tromssa universitehtii ja Sámi Allaskuvlii. Giellagas-intituhtas lea ovddit báikkiid lassin guovttágaskasaš lonohallansoahpamuš Kansasa universitehtain. Doppe sáhttá lohkat oahpuid, mat laktásit eamiálbmogiidda. Buoremus áigi studeantalonohallamii lea njealját studerenjagi áiggi, dan maŋŋá go lea čađahan kandidáhta dutkosa. Dát dan sivas, ahte olgoriikkain čađahuvvon oahpuid geargá vel bures bidjat ruovttuuniversitehta oahppoollisvuođaide. Jos olgoriikkain čoggojit doarvái ollu oahput, de dain sáhttá čohkket sierra oalgeávnnasollisvuođa.

Buohkain Giellagas-instituhta oahppiin lea vejolašvuohta vuolgit studeantalonohallamii dalle go oaiveávdnasis (sámegielas dahje sámiid kultuvrras) leat čađahuvvon unnimustá ávnnasoahput. Jos ozat lonohallamii dakkár riikii, masa leat ollu earáge ohccit, de dutnje lea ovdun ahte dus lea kandidáhta dutkkus buriiguin árvosániiguin čađahuvvon.

Leat maid ollu eará lonohallanprográmmat ja riikkat miehtá máilmmi, maidda sáhttá ohcat studeantalonohallamii. Olgoriikkas čađahuvvon oahpuin galggašii goittotge leat ávki oahppái ja lonohallamii vuolgi galgá ovddalgihtii čielggadit makkár oahpuid son sáhttá olgoriikkas čađahit. Omd. Kansasis leat álgoálbmogiidda laktáseaddji oahput.

Giellagas-instituhta amanuensa rávve oahppiid áššiin, mat laktásit riikkaidgaskasaš studeantalonohallamii. Amanuenssa gávdná bargolanjas HU 327. Lassedieđuid gánniha jearrat maid riikkaidgaskasašáššiid ovttadagas (KV -ovttadat) ja riikkaidgaskasaš persovnnalonohallama guovddážis CIMOs. Riikkaidgaskasašáššiid ovttadagas oažžu maid rávagirjjáža, man namma lea Vaihda maisemaa, perustietoa vaihto-ohjelmista, ja dasa lea maid buorre oahpásmuvvat jos háliida lonohallamii olgoriikkaide. Ohcanáiggit ja stipeanddaid sturrodagat molsašuddet. Giellagas -instituhtta lea veahkehan studeantalonohallamiid vuolgi stipeanddain vejolašvuođaidis mielde (sullii 1500 €/jahki).