Marko Jouste Sámi kultuvrra veahkkeprofessorin
Ovdal Jouste lea bargan universitehtalektorin ja Oulu universitehta Sámi kulturarkiivva váldoovddideaddjin. Jouste dutkansuorggit leat sámi kultuvrra, historjjá, dáidaga ja musihka dutkamuš. Son nákkáhalai Tampere universitehtas jagi 2011. Su nákkosgirji Tullâčalmaaš kirdâččij - Inarinsaamelainen 1900-luvun alun musiikkikulttuuri paikallisen perinteen ja ympäröivien kulttuurien vuorovaikutuksessa gieđahallá anáraččaid historjjálaš musihkkaárbevieru. Maŋimuš jagiid Jouste lea fokuseren barggustis nuortalaš árbevieru ja historjjá ja gažaldagaid, mat čatnasit oppalaččat arkiivamateriálaid geavaheapmái ja máhcahussii. Oulu universitehta Giellagas-instituhtas lea váldegottálaš ovddasvástádus sámegielaid ja sámiid kultuvrra bajimus oahpahusas ja dutkamis Suomas.