Sääʹm ǩiõli, ǩeerjlažvuõđ da kulttuur symposium

Puäʹđ kuvddled jeäʹrbi mieʹldd universiteʹttlehtor Krister Stoor (Uuʹme universiteʹtt) čuäjtõõzz Jokkmok ouddlõs juõiggjin da mainstõõllʼjin, da ko emeritusprofessor Nils Øivind Helander maainast, mäʹhtt organisõsttum ǩiõlltuâjj lij vaaiktam da vaaikat ǩiõl sâjja. Jeeʹres koččum mainsteei lie professor Ante Aikio (Oulu universiteʹtt) da veäʹǩǩprofessor Lill-Tove Fredriksen (UiT Taar aarktlaž universiteʹtt)

– Sääʹm kulttuur tuʹtǩǩummuš da mättʼtõs lij Giellagas-instituutt nuʹbb väʹlddaaunâs, da tõn diõtt mij leäʹp haaʹlääm väʹldded tõn še mieʹldd tän symposiuuʹme, maainast Giellagas-instituutt jååʹđteei Sigga-Marja Magga.

Sääʹm Ǩiõllkaʹlddja lij vääžnai kaggâd ouʹdde pukid Tâʹvvjânnmin mainstum sääʹmǩiõlid da tõi kuõskki ǩiõllhuõllu da noormtummša õhttneei aaʹššid da vaʹǯǯtõõzzid. Symposiuum riâššmõš lij-i vueʹssen ÕM:i alggmeerǩiõli lååi eeʹǩǩed (IDIL 2022-2032) Taar meersaž tåimmplaan čõõđtummuž, maainast Sääʹm Ǩiõllkaʹlddi jååʹđteei Mika Saijets.

Teâđlaž siiskõõzz lââʹssen symposiuum õhttvuõđâst sääʹm kulttuur lij ravvsânji vueiʹnnemnalla.

• 11.11. Piâzzak naaudšed Slow Food Sápmi raajjâm tapas-jeäʹǩǩääst
• 12.11. Meeraikõskksaž Sääʹm fiʹlmm-instituutt čuäjat sääʹm fiiʹlmid da Sääʹm rap-jeäʹǩǩääst hääʹsǩâʹtte Yungmiqu, Jezebro da Amoc
• 13.11. Konfereʹnss-jeäʹǩǩesveär mâŋŋa Ulla Pirttijärvi & Ulda di Dj Article 3 såitta 45 Speciaalâst.

Sääʹmsymposiuum leät riâššâm eeʹjj 1993 rääʹjest da tõi täävtõssân lij leämmaš aalǥ rääʹjest noorrâd õʹhtte sääʹm ǩiõli da ǩeerjlažvuõđ tuʹtǩǩeeʹjid, dåhttar- da vuâđđtuʹtǩǩõsmättʼtõõttjid jeeʹres vuuʹdin da jeeʹres ǩiõlljooukin. Symposiuum reäʹšše õõutveäkka Sääʹm Ǩiõllkaʹlddi, Oulu Universiteeʹtt Giellagas-instituutt, Oulu 2026 kulttuurvueiʹvvgååradhaʹŋǩǩõs da Gieku rõ.

Symposiuum iʹlmmtõõttâmäiʹǧǧ lij 27.10.2025 räjja. Lââʹssteâđ da symposiuum programm õlmstââʹttet Sääʹm Ǩiõllkaʹlddi neʹttseeidain https://tinyurl.com/sgk2025
Liŋkk iʹlmmtõõttmõʹšše: https://ssl.eventilla.com/samiggk2025

Lââʹssteâđ

Sigga-Marja Magga, Giellagas-instituutt jååʹđteei, +358 50 568 5326

Vaino Rensberg, Sääʹm Ǩiõllkaʹlddi saakkeemtuâjjlaž, +47 922 78 185

Mika Saijets, Sääʹm Ǩiõllkaʹlddi jååʹđteei, +47 78 47 41 48

Enter any content that you want to repeat, including other content controls. You can also insert this control around table rows in order to repeat parts of a table.