Marko Jouste Sääʹmkulttuur veäʹǩǩprofessoorân
Ouddâl Jouste lij tuejjääm universiteʹttlehtoorân da Oulu universiteeʹtt Sääʹm kulttuurarkiiv väʹlddoouʹdeeʹjen. Jouste tuʹtǩǩeemsueʹrj lie sääʹmkulttuur, -historia, -čeäppõõzz da -musiikk tuʹtǩǩummuš. Son näggtõõli Tampere universiteeʹttest eeʹjj 2011. Suu näggtõsǩeʹrjj Tullâčalmaaš kirdâččij - Inarinsaamelainen 1900-luvun alun musiikkikulttuuri paikallisen perinteen ja ympäröivien kulttuurien vuorovaikutuksessa ǩiõttʼtââll aanrõõžži historiallaš musikkäʹrbbvuõđ. Mââimõs iiʹjji ääiʹj Jouste lij čiŋlmõõvvâm tuâjstes nuõrttsäʹmmlai äʹrbbvuõʹtte da historiaaʹje di kõõččmõõžžid, kook õhttne aalmjallânji arkiivaunstõõzzi âânnmõʹšše da maacctummša. Oulu universiteeʹtt Giellagas-instituuttâst lij väʹlddkååddlaž vasttõs sääʹmǩiõli da sääʹmkulttuur pââimõs tuʹtǩǩummšest da mättʼtõõzzâst Lääʹddjânnmest.