Sääʹm kulttuurarkiiv

A. JIÕNNLIÂNT

Listt iʹlmstõttum sääʹm-musiikkâst 1943-2016

B. VIDEOMATERIAAL

C. SNIMLDÕÕǤǤ

D. ǨEEʹRJTUM MATERIAAL

E. TIŊGGNORLDÕK

Sää’m kulttuurarkiiv Áillohaš-norldõõǥǥ vuâđđeeš eeʹjj 2016. Norldõʹǩǩe koʹlle Nils-Aslak Valkeäpää jiijjâs raajjâm da suʹnne kuõskki arkiivmateriaal da loǥstõõǥǥ, koid noorât ouddm. puk Valkeapää jieʹllemtuõjju ohttneei iʹlmstâttmõõžžid da musikk- da jeeʹres čuäʹjtõõzzid. Norldõõǥǥ jiõnnliânttmateriaalin lij iʹlmstõttum da iʹlmstââʹttǩâni musikk, jiõnnǩeeʹrj Valkeapää tiivtin, laulli da suõmmummuž suu tiivti vääras, jiõnnčeäppõs, mainstâttmõõžž, radiovuõlttõõzz da teaʹtter-, fiʹlmm- da televisiočuäʹjtõõzz da jiõnnmateriaal teaʹtterčuäʹjtõõzzin da fiiʹlmin.

Giellagas-rääid norldõʹǩǩe kooll arkiivmateriaal, mii õhttan Oulu universiteeʹtt Giellagas-instituutt tååimaid. Norldõõǥǥâst lie jiõnnliâng, video, snimldõõǥǥ, jiânnai iʹlmstõttum da iʹlmstââʹttǩâni ǩeerjla materiaal da uʹcc tiŋggnorldõõǥǥâž. Giellagas-rääid videomateriaalid koʹlle naggtõõllâmšõddmõõžž, seminaar da mättʼtemšõddmõõžž. Šuurmõs vueʹss lij ruõkkum tâʹvvsääʹmǩiõl mättʼtõs. Vuõssmõs naggtõõllâmšõddmõš, mii lij ruõkkum, lij eeʹjjest 1984, ko Tuomas Magga naggtõõli Oulu universiteeʹttest vuõssmõs säʹmmlaž dåhttren. Giellagas-norldõʹǩǩe koʹlle ruõkkmõõžž sääʹm meersažpeeiʹv seminaarin da tõi õhttvuõđâst riâššum šõddmõõžžin še, mâʹte sääʹmpiiutâsčuäʹjtõõzzin. Jeäʹnmõs täin materiaalin lie fiʹlmmjum Oulust.

Norldõʹǩǩe koʹlle jiõnnliânt, videomateiraal, snimldõõǥǥ, ǩeerjlažvuõtt da äʹššǩeʹrjj- da markknâʹsttem-materiaal saaʹmi kulttuurid õhttneei šõddmõõžžin. Materiaal lij norrum nuʹtt kulttuuršõddmõõžžin ko tiõđlain šõddmõõžžin še. Mieʹldd lij materiaal ouddm. alggmeerai festivaal Davvi Šuvva vuõssmõs eeʹjjest 1979 da liŋviisti Fennougristtkoŋreeʹssest eeʹjjest 1980.

Norldõk âânn seʹst åskldõõǥǥlaid jiõnnliântid da ǩeerjlažvuõđ sääʹmǩiõlid, leša väʹlddǩiõl lie še mieʹldd. Õõut obbvuõđ räʹjje Yle Sääʹm Radio norldõʹǩǩe kuulli jiõggla radiovuõlttõõzz iiʹjjin 1973–7979, mõi seʹst lij tâʹvvsääʹmǩiõl lââʹssen vââʹlljest materiaal aanrõš- da sääʹmǩiõʹlle. Norldõʹǩǩe koʹlle liânttuum ukkõõzz, jiõgglaž musikk da ǩeeʹrjtum materiaal še.

Materiaal õõʹnni âlgg ǩeerjlânji meäʹrted, mäʹhtt da mõõn vääras son äigg materiaal ââʹnned, ouʹddelgo vuäǯǯ tõn jiõccses ââʹnnemnalla. Materiaal vuäǯǯ ââʹnnemnalla ouddm. tuʹtǩǩummša, mättʼtõʹsse leʹbe persoonlai määinai diõtt, mâʹte tobdstõõttâm jiijjâs soʹǩǩe. Arkiivâst vuäitt kõʹllʼjed še. Ouddm. ääv kuõʹssjempoodd leʹbe mättʼtõõđji kõʹllʼjummuž lie nääʹl tobdstõõttâd sääʹmkulttuur materiaalid.

Vueʹss materiaalâst vuäitt ǩieʹssed nuʹtt säʹmmlai ko jeärrsi miõl, ǩeäk rõssee sääʹmkulttuurin. Vueʹss-ǥõs lij sami persoonlaš da âânn seʹst vaiʹǧǧes aaʹššid še. Puk materiaali ââʹnnmest âlgg väʹldded lokku eettlaid kõõččmõõžžid da persoonteâttsueʹj. Arkiivmateriaalin da tõi ââʹnnmest mieʹrree Arkiivlääʹǩǩ, Raajjivuõiggâdvuõttlääʹǩǩ (1961/404) da Persoonteâttlääʹǩǩ (1999/523).

Vuäppõõzz kuõʹssid da materiaali õõʹnʼjid (pdf, lääddas)

1) Seeilted sääʹmkulttuuʹre kuõskki ǩeerjla materiaal, snimldõõǥǥid da jiõnnliântid.

2) Digitalisâʹstted materiaal da uʹvdded vuäittmõõžž ââʹnned arkivõsttum materiaalid tuʹtǩǩummšest da Giellagas-instituutt mättʼtõõzzâst.

3) Uʹvdded aunnsid saaʹmi äʹrbbvuõđid da äʹrbbteâđaid nââneem da jeälltem diõtt, da što ânnʼjõž säʹmmla vuäitče raajjâd persoonla õhttvuõđ maaddârääʹjjeez- da -jieʹnneezvuiʹm.

4) Leeʹd kaaunõõttâmsââʹjjen juõʹǩǩnallšem sääʹm-materiaali õõʹnʼji da tõõi Lääʹddjânnam arkiivi kõõskâst, mõõk seeilte sääʹm-materiaalid.

5) Taʹrjjeed äʹšštobddmõõžž da vuäʹpstõõzzid kõõččmõõžžin sääʹm-materiaali ââʹnnem diõtt.

Sääʹm kulttuurarkiiv

Giellagas-institutt

PL 1000

90014 Oulu universiteʹtt

Sääʹm kulttuurarkiiv lij Oulu universiteeʹtt humaniistla tiõđkååʹdd kuälmad riâddâst, lõõnjâst HUM335.

E-pååʹšt: ska(at)oulu.fi / marko.jouste(at)oulu.fi

Teʹl.: +358-41-4363964 (Marko Jouste)

Saamelainen kulttuuriarkisto toimii Oulun yliopiston Giellagas-instituutissa ja on hallinnollisesti osa Oulun yliopiston keskusarkistoa. Arkiston johtajana toimii Giellagas-instituutin johtaja Anni-Siiri Länsman ja Oulun yliopiston keskusarkiston puolelta kehityspäällikkö Katariina Alha. Arkiston pääkehittäjä on yliopistonlehtori Marko Jouste.

Sääʹm kulttuurarkiiv tåimm Oulu universiteeʹtt Giellagas-instituuttâst da lij halltõõzz peäʹlest vueʹss Oulu universiteeʹtt kõõskõsarkiiv. Arkiiv jååʹđteeʹjen tåimm Giellagas-instituutt jååʹđteei Anni-Siiri Länsman da Oulu universiteeʹtt peäʹlest oouʹdeemšurr Katariina Alha. Arkiiv vueiʹvvoouʹdeei lij universiteʹttlehtor Marko Jouste.