Sämmilâš šoŋŋâdâhrääđi uárnee logokišto
Sämmilâš šoŋŋâdâhrääđi almoot logokišto leehâstmist. Logo kalga identifisistiđ sämmilijd šoŋŋâdâhrääđi uássin. Logo kalga čäittiđ sämmilii šoŋŋâdâhrääđi pargoid, sämmilii ärbivuáválii tiäđu já šoŋŋâdâhnubástus. Logo kalga toimâđ ivnekovveen já čapisvielgis kovveen šleđgâhámásii viestâdmist já teddilum häämist. Iävtuttâs kalga toimâttiđ šleđgâhäämist JPG- tâi PDF-tiätuvuárkkán. Jis tun vuolgâttah iävtuttâs, te siämmást čonâsah toos, et jis vuáitáh, te luovâttah iävtuttâs tahheevuoigâdvuođâid sämmilii šoŋŋâdâhrááđán.
Logokišto lii puohháid áávus. Kišto njuolgâdusah já täärhib ravvuuh láá ooleest. Palhâšume Sämmilii šoŋŋâdâhrääđi kiävtun váldojeijee logost lii 3000 eurod.
Logo valjim tábáhtuvá anonymlávt. Almoot šleđgâpostâviestâst jieijâd nommâmeerhâ já sierânâs lahtosist tahhee/tahhei noomâ/noomâid já ohtâvuotâtiäđuid (nommâ, čujottâs, puhelinnummeer já šleđgâpostâčujottâs). Logo väljejeijeeh iä šoodâ tiettiđ uásálistei noomâid ovdil valjim. Sämmilâš šoŋŋâdâhrääđi väljee logo.
Logokišto lii áávus 30.4.2024 räi. Iävtuttâsâid kalga vuolgâttiđ čujottâsân: saamelainenilmastoneuvosto@oulu.fi
Sämmilii šoŋŋâdâhrääđi čälleeviehâ (Oulu ollâopâttuv siijđoin, suomâkielân)
Lasetiäđuh: Sämmilii šoŋŋâdâhrääđi čälleeviehâ, saamelainenilmastoneuvosto@oulu.fi
Sämmilii šoŋŋâdâhrääđi logokišto njuolgâdusah (PDF)
Taat tiäđáttâs eres kielâin: